Me mātua whakarite ngā whenua katoa kei te ōrite te wherawhera i ngā tāngata hauā.

Ka whakaae rātau ki tēnei mā te:

• Hanga tikanga, ture hoki e tuku ki ngā tāngata hauā ā rātau tika me te whakarereke i ngā ture kāore i te ū ki tēnei.
• Te mātua whakauru ki ngā kaupapa here katoa ngā tika kia ōrite te wherawhera i te hunga hauā
• Kia kaua e mahia tētahi mea e tuki ana ki tēnei whakaaetanga.
• Te whakarite ka mahia e ngā kāwanatanga me ngā mana whakahaere ngā kaupapa kei roto i tēnei whakaaetanga.
• Te whakapau kaha kia kaua tētahi e whakahāwea i te hunga hauā.
• Te whakarite ka hangaia ngā taonga mō te katoa, ka taea māmā rānei te whakarerekē.
• Te whakamahi i ngā hangarau ki te āwhina i te hunga hauā.
• Te tuku pārongo wātea ki te hunga hauā mō ngā mea āwhina i a rātau.
• Te whakangungu tāngata mō tēnei whakaaetanga.

E kī taurangi ana ngā whenua katoa ka tino whakarite rātau ki tōna whai utu, kia ōrite te whai wāhi atu a te hunga hauā ki ngā mea pēnei i ngā nōhanga whare, mātauranga me te hauora.

Me whakauru ngā whenua katoa i te hunga hauā ki ngā kaupapa hanga ture me te kaupapa haere.