E whai tika ōrite ngā tāngata hauā ki tētahi tautikanga ora pai mō rātau anō me ō rātau whānau. Kei roto i tēnei ko te kai, kaka, whare noho me te wai mā.

Me whai wāhi atu ngā tāngata hauā ki ngā āwhina hei whakapai ake i tō rātau tautikanga ora pērā i ētahi atu.

Me whakarite ngā kāwanatanga:

• Kei te whai ngā tāngata hauā i ngā ratonga me ngā āwhina tika mō tō rātau hauātanga, me te utu e taea e rātau.
• Ko ngā tāngata hauā, otirā ngā kōtiro, wāhine me te hunga pakeke hoki, kei te whai āwhina ki tētahi tautikinga ora pai.
• E whai ngā tāngata hauā pōhara i ngā āwhina mai i te kāwanatanga mō ngā utu o te hauātanga.
• E whai wāhi atu ngā tāngata hauā ki ngā hōtaka whare noho.
• E whai wāhi ōrite ngā tāngata hauā ki ngā penihana whakatā pērā i etahi atu.