E whai tika ngā tāngata hauā ki te mahi, ōrite ki ētahi atu.

Kia nui ake ngā mahi ā ngā whenua ki te tuku mahi mā te hunga hauā me te āwhina i tēnei mā te:

• Hanga ture e ōrite me te matatika te whakahaere i ngā tāngata hauā i te mahi.
• Whakarite e ōrite ngā tika, ngā tikanga me ngā utu ā te hunga hauā.
• Whakarite e whai tika ngā tāngata hauā ki te whakauru ki tētahi uniana ōrite ki ētahi atu.
• Whakarite e āhei ana ngā tāngata hauā te piki ki runga i ngā hōtaka mahi me ngā whakangungu mahi.
• Āwhina i ngā tāngata hauā ki te kimi me te pupuri i ā rātau mahi, me te whiwhi mahi pai ake.
• Āwhina i ngā tāngata hauā ki te whakatū i ā rātau ake pakihi.
• Tuku mahi ki ngā kaimahi hauā i roto i te Kāwanatanga me ngā wāhi pēnei i ngā kaunihera me ngā hōhipera.
• Āwhina i ngā umanga ki te tuku mahi ki ngā tāngata hauā.
• Whakarite e whai wāhi tōtika ngā tāngata hauā ki te mahi.
• Whakarite ka taea e ngā tāngata hauā te whakamātau mahi.
• Āwhina i te hunga ki te hoki ki te mahi.
• Whakarite i ngā whenua kia kaua te hunga hauā e whakahauwhiuhia ki te mahi mō te kore utu.