Me whakarite ngā whenua e whai tika ōrite ngā tāngata hauā ki te mārenatanga, te whānau me ngā whanaungatanga whaiaro.

Me whakarite ngā whenua ka:

• Whai tika ōrite ngā tāngata hauā ki te mārena me te whakawhānau tamariki, i runga i te hiahia o ngā makau e rua.
• E whai tika ngā tāngata hauā ki te whakatau tikanga mō te maha o ā rātau tamariki, ā, mō ā hea whakawhānau ai, kia kaua hoki e whakapukupāhia me te kore whakaae atu.
• E whai tika ngā tāngata hauā katoa ki te tika whakamahere whānau me ētahi atu pārongo āwhina i a rātau ki te whakatau tikanga.
• Me whakarato tautoko ngā whenua ki ngā tāngata hauā ki te āwhina i a rātau ki te whakatipu i ā rātau tamariki.
• E whai tika ngā tamariki hauā kia kaua rātau e wehea mai i ō rātau whānau. Me tautoko ngā whenua i ngā tamariki hauā me ō rātau whānau.
• Ko ngā tika ā ngā tamariki te mea tuatahi.
• Me whakarite ngā whenua kia kaua ngā tamariki e tangohia mai i ō rātau mātua mēnā kāore rātau e hiahia, engari rawa mēnā ka whakatau te ture mō te painga o te tamaiti. Kaua rawa ngā tamariki e tangohia i runga i tō rātau hauātanga, ō rātau mātua rānei.